ஒன்டாரியோ மாகாணத்தின் டில்சன்பர்க் நகருக்கு அருகே இடம்பெற்ற இரு வாகன விபத்தில் ஒருவர் உயிரிழந்துள்ளார்.
டில்சன்பர்க் பகுதியில் உள்ள Plank Line சாலையில், Keswick Road மற்றும் Airport Road இடைப்பட்ட பகுதியில், இரண்டு வாகனங்கள் மோதியதாக தெரிவிக்கப்படுகிறது.
விபத்து குறித்த தகவலைத் தொடர்ந்து அவசர மீட்புக் குழுவினர், தீயணைப்பு படையினர் மற்றும் ஒன்டாரியோ மாகாண காவல்துறையினர் சம்பவ இடத்துக்கு விரைந்து மீட்பு நடவடிக்கைகளில் ஈடுபட்டனர்.
இந்த விபத்தில் ஒருவர் சம்பவ இடத்திலேயே உயிரிழந்ததாக காவல்துறையினர் உறுதிப்படுத்தியுள்ளனர். உயிரிழந்த நபரின் பெயர் மற்றும் வயது உள்ளிட்ட விவரங்கள் இதுவரை வெளியிடப்படவில்லை.
விபத்து தொடர்பான விசாரணை மற்றும் சாலை சுத்தப்படுத்தும் பணிகளுக்காக Plank Line சாலை, Keswick Road முதல் Airport Road வரை தற்காலிகமாக மூடப்பட்டிருந்தது. மேலும், Ostrander Road-லும் போக்குவரத்து கட்டுப்பாடுகள் அமல்படுத்தப்பட்டிருந்தன.
பின்னர் Plank Line மற்றும் Ostrander Road ஆகிய சாலைகள் மீண்டும் திறக்கப்பட்டுள்ளதாக OPP West Region அறிவித்துள்ளது.
விபத்திற்கான காரணம் குறித்து காவல்துறையினர் தொடர்ந்து விசாரணை நடத்தி வருகின்றனர்.
Comments are closed, but trackbacks and pingbacks are open.