கனடாவில் வாகனக் கொள்ளை வழக்கில் தந்தை – மகன் மீது குற்றச்சாட்டுகள்

கனடாவில் வாகனக் கொள்ளைச் சம்பவம் தொடர்பில் தந்தை மற்றும் மகன் மீது குற்றச்சாட்டுகள் சுமத்தப்பட்டுள்ளன.

இரண்டு வாகனங்களுக்குச் சொந்தமான பதிவுகள் மற்றும் ஆவணங்களில் முரண்பாடுகளைக் கண்டறிந்ததை அடுத்து, ஹால்டன் பொலிஸார் முதன்முதலில் நவம்பர் 2025 இல் விசாரணையைத் தொடங்கினர்.

தகவல் அறியாத உள்ளூர் நிறுவனம் ஒன்றின் பெயரில் வாகனங்களைப் பதிவு செய்ய, போலியான விற்பனைப் பில்கள் (fake bills of sale) மற்றும் வேலைவாய்ப்புக் கடிதங்கள் (letters of employment) பயன்படுத்தப்பட்டதாக ஹால்டன் பொலிஸார் புதன்கிழமை தெரிவித்தனர்.

மிசிசாகாவில் இருந்து திருடப்பட்ட 2023 ஆம் ஆண்டு ஃபோர்டு எஃப்-150 மற்றும் வின்ட்சரில் இருந்து திருடப்பட்ட 2021 ஆம் ஆண்டு டாட்ஜ் சார்ஜர் ஆகிய இரண்டு வாகனங்களிலும் வாகன அடையாள எண்கள் (VIN) மாற்றப்பட்டிருப்பது விசாரணையாளர்கள் மூலம் கண்டறியப்பட்டது.

விசாரணையின் ஒரு பகுதியாக இந்த வாகனங்களை அவர்கள் பறிமுதல் செய்துள்ளதாக விசாரணையாளர்கள் தெரிவித்தனர்.

பெப்ரவரி மாதம், ஆரஞ்சுவில்லையைச் சேர்ந்த 55 வயதுடைய ஆமர் குண்டா (Amer Kunda) மீது ஆவணங்களை மோசடி செய்தல் மற்றும் நீதிமன்ற உத்தரவுகளைப் பின்பற்றாதது தொடர்பான 11 குற்றச்சாட்டுகள் சுமத்தப்பட்டன.

மில்டனைச் சேர்ந்த 28 வயதுடைய சமேல் குண்டா (Sameil Kunda) மீது ஆவணங்களை மோசடி செய்தல் மற்றும் இடைநிறுத்தப்பட்ட உரிமத்துடன் வாகனம் ஓட்டியது தொடர்பான நான்கு குற்றச்சாட்டுகள் சுமத்தப்பட்டன.

பொலிஸார் தொடர்ந்து விசாரணை நடத்தி வருகின்றனர், மேலும் சந்தேக நபர்கள் மேலதிக குற்றங்களைச் செய்திருக்கலாம் என்று விசாரணையாளர்கள் நம்புவதாகத் தெரிவித்தனர்.