அமெரிக்காவுக்கான தங்களது பயணங்களைக் கனடா மக்கள் புறக்கணிக்கும் போக்கு இன்னும் வலுவாக நீடித்து வருவதாகப் புதிய புள்ளிவிவரங்கள் தெரிவிக்கின்றன.
கடந்த மார்ச் மாதத்தில் கனடா மக்கள் அமெரிக்காவிற்கு மேற்கொண்ட பயணங்களின் எண்ணிக்கை கணிசமாகக் குறைந்துள்ளளதாககடிய புள்ளிவிபரவியல் திணைக்களம் வியாழக்கிழமை வெளியிட்ட அறிக்கையில் குறிப்பிட்டுள்ளது.
இதன் மூலம், கடந்த ஆண்டுடன் ஒப்பிடுகையில் தொடர்ந்து 15-வது மாதமாகக் கனடா மக்களின் அமெரிக்கப் பயணங்கள் சரிவைச் சந்தித்துள்ளன.
கடந்த மார்ச் மாதத்தில் கனடா மக்கள் அமெரிக்காவிற்குச் சென்றுவிட்டு 2.6 மில்லியன் முறை திரும்பியுள்ளனர். இது கடந்த ஆண்டின் இதே மாதத்துடன் ஒப்பிடும்போது 6.4 சதவீத வீழ்ச்சியாகும்.
விமானம் மூலம் அமெரிக்கா சென்று திரும்பியவர்களின் எண்ணிக்கை 10.8 சதவீதம் குறைந்து 9,34,100 ஆகப் பதிவாகியுள்ளது.
கார் மற்றும் இதர வாகனங்கள் மூலம் எல்லை தாண்டிச் சென்றவர்களின் எண்ணிக்கை 3.3 சதவீதம் சரிந்து 1.6 மில்லியனாக உள்ளது.
இதில் 63.7 சதவீதப் பயணங்கள் ஒரே நாளில் சென்று திரும்பியவை (Same-day travel) ஆகும். கடந்த 2024 மார்ச் மாதத்துடன் ஒப்பிட்டுப் பார்க்கும்போது, தற்போதைய 2026 மார்ச் மாதப் பயணங்களின் எண்ணிக்கை 28 சதவீதம் என்ற மிக மோசமான சரிவைக் கண்டுள்ளது.
இதில் வாகனப் பயணங்கள் 33.7 சதவீதமும், விமானப் பயணங்கள் 15.3 சதவீதமும் சரிந்துள்ளன.
டிரம்ப் நிர்வாகத்தின் வர்த்தக வரிகள் (Tariffs) மற்றும் கனடாவை அமெரிக்காவின் ‘51-வது மாகாணம்’ என்பது போன்ற அரசியல் ரீதியான கருத்துகளுக்கு எதிர்ப்பு தெரிவிக்கும் வகையில், கனடா மக்கள் “பை கனடியன் என்ற இயக்கத்திற்கு ஆதரவளித்து, அமெரிக்கப் பயணங்களைப் புறக்கணித்து வருகின்றனர்.
மேலும், அமெரிக்க டாலருக்கு நிகரான கனடிய டொலரின் மதிப்பு மிகவும் குறைந்துள்ளதால், அமெரிக்கப் பயணம் அதிக செலவுமிக்கதாக மாறியுள்ளதும் மற்றொரு முக்கியக் காரணமாகப் பார்க்கப்படுகிறது. கனடா மக்கள் அமெரிக்கா செல்வது குறைந்தாலும், அமெரிக்கர்கள் கனடாவிற்கு வருவது அதிகரித்துள்ளது.
கடந்த மார்ச் மாதத்தில் 1.3 மில்லியன் அமெரிக்கர்கள் கனடாவிற்குப் பயணம் மேற்கொண்டுள்ளனர். இது 2025 ஆம் ஆண்டு மார்ச் மாதத்தை விட 4.4 சதவீதம் அதிகம் என்பது குறிப்பிடத்தக்கது.
Comments are closed, but trackbacks and pingbacks are open.