கனடாவின் ஹாமில்டன் நகரைச் சேர்ந்த பிரையன் ஹேவர்ட் என்ற நபர், பல பெண்களுக்கு எதிரான பாலியல் வன்முறை தொடர்பான பல குற்றச்சாட்டுகளை நீதிமன்றத்தில் ஒப்புக்கொண்டுள்ளார்.
36 வயதான ஹேவர்ட், 7 பெண்கள் தொடர்பான பாலியல் வன்முறை, அனுமதியின்றி வீடியோ பதிவு செய்தல் மற்றும் அவற்றை இணையத்தில் பகிர்ந்ததாகக் கூறப்படும் குற்றங்கள் உள்ளிட்ட குறைந்தது 20க்கும் மேற்பட்ட குற்றச்சாட்டுகளை ஹாமில்டன் நீதிமன்றத்தில் ஒப்புக்கொண்டதாக CHCH News தெரிவித்துள்ளது. இந்த சம்பவங்கள் 2018ஆம் ஆண்டு முதல் கடந்த ஆண்டு வரை இடம்பெற்றதாக நீதிமன்ற ஆவணங்கள் குறிப்பிடுகின்றன.
பெண்கள் பலர் மயக்க நிலையில் இருந்தபோது அவர்களை ரகசியமாகப் பதிவு செய்ததாகவும், அந்த வீடியோக்கள் பின்னர் இணையத்தில் பகிரப்பட்டதாகவும் குற்றச்சாட்டுகள் முன்வைக்கப்பட்டிருந்தன. இந்த வழக்கு, “Sleeping with the Enemy” என்ற ஆவணப்படத்தின் மூலம் பொதுமக்களின் கவனத்திற்கு வந்ததாகவும் தெரிவிக்கப்படுகிறது.
ஹேவர்டுக்கு எதிராக மேலும் சில பாலியல் வன்முறை மற்றும் போதைப்பொருள் தொடர்பான குற்றச்சாட்டுகள் நிலுவையில் உள்ளன. அவை இதுவரை நீதிமன்றத்தில் நிரூபிக்கப்படாத குற்றச்சாட்டுகள் எனவும் குறிப்பிடப்பட்டுள்ளது. அவர் மீண்டும் செப்டம்பர் மாதம் நீதிமன்றத்தில் ஆஜராக உள்ளார்.
இந்த வழக்கு ஹாமில்டன் மட்டுமல்லாது கனடா முழுவதும் பெரும் அதிர்ச்சியையும் கவலையையும் ஏற்படுத்தியுள்ளது. பாதிக்கப்பட்ட பெண்களுக்கு நீதி கிடைக்க வேண்டும் என்ற கோரிக்கையும் சமூக வலைத்தளங்களில் வலுத்து வருகிறது.
Comments are closed, but trackbacks and pingbacks are open.