கனடாவின் மிஸிசாகா நகரை சேர்ந்த 77 வயதான ஒரு முதியவர், சனிக்கிழமை (ஜூலை 19, 2025) அதிகாலை, பியர்சன் விமான நிலையத்திற்கு அருகிலுள்ள ஹைவே 401 கிழக்கு வழித்தடத்தில் நடந்து சென்ற போது வாகனமொன்றால் மோதி உயிரிழந்தார் என ஒண்டாரியோ மாகாண பொலிஸார் தெரிவித்துள்ளனர்.
இந்த துயரமான சம்பவம் அதிகாலை 5 மணிக்கு டிக்சன் சாலை அருகே ஏற்பட்டதாக தெரிவித்துள்ளனர்.
முதலில் ஏற்பட்ட வாகன விபத்துக்குப் பிறகு, உயிரிழந்தவர் தன்னுடைய SUV வாகனத்திலிருந்து வெளியேறிய பின்னரே அவர் மோதி வீழ்ந்ததாக அதிகாரிகள் தெரிவித்தனர்.
முதியவருடன் இரண்டு பேர் மேலும் மருத்துவமனையில் அனுமதிக்கப்பட்டுள்ளனர்.
அவர்களின் நிலைமை தற்போது தெரியவில்லை. ஹைவே 401 மற்றும் 427 இல் பெரும் போக்குவரத்து பாதிப்பு விபத்து ஏற்பட்ட பிறகு, காலை 7 மணியளவில் ஹைவே 401 கிழக்குத் திசை, ஹைவே 427 இணைப்பு அருகில் மூடப்பட்டது.
வாகன சாரதிகள் மாற்றுவழிகளை தேர்வு செய்யுமாறு OPP கேட்டுக்கொண்டது.
இந்நிலையில், நள்ளிரவு 12:03 மணிக்கு அனைத்து கிழக்குத் திசை வழித்தடங்களும் மீண்டும் திறக்கப்பட்டதாக அதிகாரிகள் உறுதிப்படுத்தினர்.
