அமெரிக்கா கனடாவிடம் நுழைவுக்கட்டணம் கேட்பதாக கனடா தரப்பு குற்றச்சாட்டு முன்வைத்துள்ளது.
அதாவது, புதுப்பிக்கப்பட்ட, கனடா, அமெரிக்க, மெக்சிகோ தடையில்லா வர்த்தக ஒப்பந்தம் ஒன்றை உருவாக்குவதற்கான பேச்சுவார்த்தைகளைத் துவக்கவேண்டுமானால், கனடா அமெரிக்காவுக்கு சில சலுகைகளை அளிக்கவேண்டும் என அமெரிக்க தரப்பு வலியுறுத்தியுள்ளது.
அது, பேச்சுவார்த்தை துவக்குவதற்கு நுழைவுக்கட்டணம் கேட்பது போல் உள்ளது என்கிறது கனடா தரப்பு.
ஆனால், ஏற்கனவே இருமுறை அமெரிக்காவுக்கு கனடா சலுகைகள் அளித்துவிட்டது என்று கூறும் கனேடிய தரப்பினர், ஆனால், பதிலுக்கு அமெரிக்கா எதையும் செய்யவில்லை என்கிறார்கள்.
இதற்கிடையில், அமெரிக்காவின் நிபந்தனைகள் குறித்து பேசிய கனடா பிரதமரான மார்க் கார்னி, இது அமெரிக்கா கனடாவுக்கு நிபந்தனைகள் விதிப்பதைக் குறித்த விடயம் அல்ல, பேச்சுவார்த்தை நடத்துவோம், இருதரப்புக்கும் நன்மை ஏற்படும் வகையில் நல்ல முடிவுக்கு வருவோம், அதற்கு கொஞ்சம் காலம் பிடிக்கும், பிடிக்கட்டும் என்று கூறியுள்ளார்.
அதாவது, ஏற்கனவே அமெரிக்காவின் கோரிக்கைக்கு இணங்க, கடந்த ஆண்டு கனடா, வரிகள் பலவற்றை நீக்கியது, டிஜிட்டல் சேவை வரியை நீக்கியது, இருந்தும் இருதரப்பு பேச்சுவார்த்தைகளில் எந்த முன்னேற்றமும் ஏற்படவில்லை.
அப்படி இருக்கும் நிலையில், கனடா, அமெரிக்க, மெக்சிகோ தடையில்லா வர்த்தக ஒப்பந்தம் ஒன்றை உருவாக்குவதற்கான பேச்சுவார்த்தைகளை மீண்டும் துவக்கவேண்டுமானால், கனடா அமெரிக்காவுக்கு மேலும் சில சலுகைகளை அளிக்கவேண்டும் என அமெரிக்க தரப்பு வலியுறுத்தியுள்ளது குறிப்பிடத்தக்கது.
Comments are closed, but trackbacks and pingbacks are open.