கனடா முழுவதும் உள்ள எரிபொருள் நிலையங்களில் கோடைகால எரிபொருள் கலவை (summer fuel blend) அறிமுகப்படுத்தப்பட்டுள்ளதால், பெட்ரோல் விலை அதிகரித்துள்ளது.
இந்த புதிய கலவை காரணமாக, பெட்ரோல் விலை லீட்டருக்கு சுமார் 10 காசுகள் வரை உயர்ந்துள்ளதாக தெரிவிக்கப்படுகிறது.
மத்திய அரசாங்கம் அண்மையில் எரிபொருள் கலால் வரி (federal fuel excise tax) நீக்கம் மூலம் வழங்கியிருந்த சலுகையால் கிடைக்கக்கூடிய சேமிப்பை, இந்த விலை உயர்வு பெருமளவில் பாதிக்கக்கூடும் என நிபுணர்கள் எச்சரிக்கின்றனர்.
“நாம் மிகவும் அதிக செலவுடைய கோடைகாலத்தை எதிர்கொள்ளப் போகிறோம் போல உள்ளது,” என மலிவு விலை எரிசக்திக்கான கனடியர்கள் அமைப்பின் தலைவர் டான் மெக்டீக் தெரிவித்துள்ளார்.
மேலும், எரிசக்திச் செலவுகளை குறைக்கும் நோக்கில் முன்னாள் லிபரல் நாடாளுமன்ற உறுப்பினராகவும் செயல்பட்ட அவர், மத்திய அரசு கூடுதல் நடவடிக்கைகள் எடுக்க வேண்டும் என வலியுறுத்தியுள்ளார்.
கூடுதலாக, தற்காலிகமாக நீக்கப்பட்டுள்ள கூட்டாட்சி எரிபொருள் கலால் வரிக்கு மேலாக, பெட்ரோல் மற்றும் டீசல் கொள்வனவுகளுக்கு விதிக்கப்படும் பெறுமதி சேர் வரியையும் (VAT) நீக்க வேண்டும் என அவர் கோரிக்கை விடுத்துள்ளார்.
Comments are closed, but trackbacks and pingbacks are open.