ஜனவரி மாதத்தில் கனடாவின் பொருளாதாரம் எதிர்பார்த்ததை விட சற்று மேம்பட்ட வளர்ச்சியைக் கண்டுள்ளதாக கனடா புள்ளிவிவர திணைக்களம் செவ்வாய்க்கிழமை தெரிவித்துள்ளது.
உற்பத்தித் துறையில் மந்தநிலை ஏற்பட்டபோதிலும், பொருட்கள் உற்பத்தித் துறைகளின் பங்களிப்பால் இந்த வளர்ச்சி சாத்தியமானது என தெரிவிக்கப்படுகின்றது.
ஜனவரி மாதத்தில் மொத்த உள்நாட்டு உற்பத்தி (GDP) 0.1% உயர்ந்துள்ளது. இது டிசம்பரில் பதிவான 0.2% வளர்ச்சியைத் தொடர்ந்து வந்துள்ளது.
டிசம்பரில் ஏற்பட்ட சரிவை ஈடுகட்டும் வகையில், சுரங்கம் மற்றும் எண்ணெய்-எரிவாயு பிரிவுகள் 1.2% வளர்ச்சியைப் பதிவு செய்துள்ளன.
தொடர்ந்து மூன்றாவது மாதமாக கட்டுமானத் துறை 1.1% வளர்ச்சியடைந்துள்ளது. நியூஃபவுண்ட்லாந்து மற்றும் லாப்ரடோர் மற்றும் சாஸ்காட்செவன் ஆகிய மாகாணங்களில் கச்சா எண்ணெய் உற்பத்தி அதிகரித்ததால் இந்தத் துறையில் முன்னேற்றம் ஏற்பட்டது.
இயற்கை எரிவாயு உற்பத்தியும் கணிசமாக விரிவடைந்துள்ளது. ஜனவரியில் உற்பத்தித் துறை வீழ்ச்சியடைந்தது, குறிப்பாக நீடித்த நுகர்வுப் பொருட்கள் பிரிவில் பலவீனம் காணப்பட்டது.
வாகன உற்பத்தி மற்றும் ஏற்றுமதி குறைந்ததால் மொத்த விற்பனை வணிகம் பாதிக்கப்பட்டது.
மோசமான வானிலை காரணமாக போக்குவரத்து மற்றும் சேமிப்புத் துறைகள் பின்னடைவைச் சந்தித்தன. பிப்ரவரி மாதத்தில் கனடா 84,000 வேலைகளை இழந்தது. இதனால் வேலையின்மை விகிதம் 6.7% ஆக உயர்ந்துள்ளது.
