கனடாவின் வடக்கு எல்லைப் பகுதியில் அமைந்துள்ள உளுகாடோக் பகுதியில் உள்ள பள்ளியை குறிவைத்து மொத்த துப்பாக்கிச்சூடு நடத்துவதாக ஆன்லைனில் மிரட்டல் விடுத்ததாக கூறப்படும் 24 வயதுடைய பெண் ஒருவரை பொலிஸார் கைது செய்துள்ளனர்.
ஞாயிற்றுக்கிழமை சமூகத்தில் உள்ள சில குடியிருப்பவர்கள் சமூக வலைதளங்களில் வெளியிடப்பட்ட சந்தேகத்திற்கிடமான பதிவுகள் குறித்து தகவல் வழங்கியுள்ளனர்.
அந்த பதிவுகளில் பள்ளியில் பாரிய துப்பாக்கிச்சூடு நடத்துவதாக குறிப்புகள் இருந்ததாக கூறப்படுகிறது. இதையடுத்து அதிகாரிகள் குறித்த பெண்ணை அவரது வீட்டில் கைது செய்தனர்.
விசாரணையின் போது எந்தவித துப்பாக்கிகளும் கண்டுபிடிக்கப்படவில்லை எனவும், சந்தேக நபருக்கு துப்பாக்கி அணுகல் இருப்பதாக நம்பப்படவில்லை எனவும் போலீசார் தெரிவித்துள்ளனர்.
கைது செய்யப்பட்ட 24 வயதுடைய பெண் சில நிபந்தனைகளுடன் விடுவிக்கப்பட்டுள்ளார்.
அவற்றில் துப்பாக்கி வைத்திருக்கும் தடை உத்தரவும், சம்பந்தப்பட்ட பள்ளிக்கு செல்லக்கூடாது என்ற நிபந்தனையும் அடங்கும்.
அவர் பின்னர் நீதிமன்றத்தில் ஆஜராக உள்ளார். கனடாவில் பள்ளி பாதுகாப்பு சமீபகாலங்களில் முக்கிய விவகாரமாக மாறியுள்ளது.
Comments are closed, but trackbacks and pingbacks are open.