கனடாவின் ஹமில்டன் நகரில் செவ்வாய்க்கிழமை இரவு இடம்பெற்ற வாகன விபத்தில் ஒருவர் உயிரிழந்ததுடன், மேலும் இருவர் மருத்துவமனையில் அனுமதிக்கப்பட்டுள்ளனர்.
விபத்து இரவு சுமார் 7.30 மணியளவில் வில்சன் ஸ்ட்ரீட் பகுதியில், ஹைவே 403 மேற்குப் பகுதியில் இடம்பெற்றது.
சம்பவ இடத்திலேயே ஒருவர் உயிரிழந்ததாக பொலிஸார் தெரிவித்துள்ளனர்.
மேலும் காயமடைந்த இருவர் மருத்துவமனைக்கு கொண்டு செல்லப்பட்டுள்ளனர்.
அவர்களில் ஒருவர் மிகக் கவலைக்கிடமான நிலையில் உள்ளதாகவும், மற்றொருவர் நிலையான நிலையில் உள்ளதாகவும் அதிகாரிகள் தெரிவித்துள்ளனர்.
“பாதிக்கப்பட்ட குடும்பங்களின் மரியாதையை கருத்தில் கொண்டு, இந்நேரத்தில் எவருடைய அடையாள விவரங்களும் வெளியிடப்படமாட்டாது,” என பொலிஸார் செய்திக்குறிப்பில் தெரிவித்துள்ளனர்.
விபத்திற்கான காரணம் இதுவரை தெரியவரவில்லை. சம்பவம் தொடர்பான மேலதிக விசாரணைகள் தொடர்ந்து நடைபெற்று வருகின்றன.
