கனடா பிரதமர் போட்டியில் புலம்பெயர்தல் பின்னணி கொண்ட ஒரு பெண் களமிறங்கியுள்ள நிலையில், கனடாவிலிருந்து சட்டவிரோத புலம்பெயர்ந்தோர் அனைவரையும் நாடுகடத்துவேன் என உறுதியளித்துள்ளார் அவர்.
இந்தியாவின் பஞ்சாபிலிருந்து புலம்பெயர்ந்த பெற்றோருக்குப் பிறந்தவர் ரூபி தல்லா (Ruby Dhalla, 50).
ரூபி, நடிகை, இயற்கை வைத்தியர், தொழிலதிபர், மொடல், அரசியல்வாதி என பன்முகம் கொண்டவர் ஆவார்.
ரூபி, கனடாவின் பெண் ட்ரம்ப் என விமர்சிக்கப்படுகிறார். அதற்குக் காரணம், புலம்பெயர்தல் குறித்த அவரது கொள்கைகள், அமெரிக்க ஜனாதிபதியான ட்ரம்பின் கொள்கைகளைப்போல கடுமையாக உள்ளதுதான்.
தற்போது கனடா பிரதமர் பதவிக்கு போட்டியிடப்போவதாக தெரிவித்துள்ளார் ரூபி.
அவரது வாக்குறுதிகளில் முக்கியமான வாக்குறுதியே, ஒரு பிரதமராக, நான் சட்டவிரோத புலம்பெயர்ந்தோரை நாடுகடத்துவேன், ஆட்கடத்தல் கும்பல்களை கடுமையாக கட்டுப்படுத்துவேன் என்பதுதான்.
ரூபி, மூன்று முறை நாடாளுமன்ற உறுப்பினராக தேர்ந்தெடுக்கப்பட்டு வரலாறு படைத்த இந்திய வம்சாவளி நாடாளுமன்ற உறுப்பினர் என்பது குறிப்பிடத்தக்கது.
