கனடாவில் $12.5 மில்லியன் லாட்டரி பரிசு வென்ற கியூபெக் மாகாணத்தைச் சேர்ந்த ஒருவர், பெரிய தொகை கிடைத்தாலும் உடனடியாக ஓய்வு பெறும் எண்ணம் இல்லை என்று தெரிவித்துள்ளார்.
கியூபெக்கின் Montérégie பகுதியைச் சேர்ந்த IT தொழிலதிபர் Shawn Batten, மே 19ஆம் தேதி நடைபெற்ற Lotto Max குலுக்கலில் $25 மில்லியன் ஜாக்பாட்டை மற்றொரு வெற்றி சீட்டுடன் பகிர்ந்து கொண்டார். இதன் மூலம் அவருக்கு $12.5 மில்லியன் பரிசுத் தொகை கிடைத்துள்ளது.
அடுத்த நாள் காலை Loto-Québec அதிகாரியிடமிருந்து Batten-க்கு அழைப்பு வந்தபோது, முதலில் அது மோசடி அழைப்பாக இருக்குமோ என அவர் சந்தேகப்பட்டதாக கூறப்படுகிறது. பின்னர் தனது கணக்கில் வெற்றியை உறுதிப்படுத்திய பிறகே அவர் அந்த செய்தியை நம்பியுள்ளார்.
இதையடுத்து தனது மனைவிக்கு தொலைபேசியில் அழைத்து மகிழ்ச்சியான செய்தியை தெரிவித்தார். அப்போது அவர் ஒரு வேலைக் கூட்டத்தில் இருந்ததாகவும், ஆரம்பத்தில் இது நகைச்சுவையா என சந்தேகித்ததாகவும் தெரிவிக்கப்பட்டுள்ளது.
இவ்வளவு பெரிய தொகையை வென்றிருந்தாலும், Batten உடனடியாக வேலைவிடும் எண்ணம் இல்லை என்று கூறியுள்ளார். தனது நிறுவனம், ஊழியர்கள் மற்றும் வாடிக்கையாளர்கள் தொடர்பான பொறுப்புகள் இருப்பதால் இன்னும் சில ஆண்டுகள் தொடர்ந்து பணியாற்ற திட்டமிட்டுள்ளதாக அவர் தெரிவித்துள்ளார்.
அதே நேரத்தில், இந்த வெற்றி தனது குடும்பத்துடன் பயணம் செய்யவும், புகைப்படக் கலை மீது அதிக நேரம் செலவிடவும், எதிர்காலத்தில் ஒரு cottage வாங்கவும் வாய்ப்பளிக்கும் என Batten கூறியுள்ளார்.
Loto-Québec தகவலின்படி, 2026ஆம் ஆண்டு தொடங்கியதிலிருந்து கியூபெக்கில் $1 மில்லியன் அல்லது அதற்கு மேற்பட்ட 40 பரிசுகள் வழங்கப்பட்டுள்ளன.
Comments are closed, but trackbacks and pingbacks are open.