Newark நகரில் இருந்து Halifax நோக்கி பயணித்த Air Canada விமானம் ஒன்று, விமானியின் மருத்துவ அவசரநிலையைத் தொடர்ந்து Boston Logan சர்வதேச விமான நிலையத்திற்கு திருப்பி விடப்பட்டு பாதுகாப்பாக தரையிறக்கப்பட்டது.
Air Canada Flight AC7664 என்ற இந்த விமானம், புதன்கிழமை பிற்பகல் Newark Liberty International Airport-இல் இருந்து Halifax, Nova Scotia நோக்கி புறப்பட்டிருந்தது. விமானம் Air Canada-ன் regional partner ஆன PAL Airlines மூலம் இயக்கப்பட்டதாக தெரிவிக்கப்பட்டுள்ளது.
பயணத்தின் போது, விமானத்தின் Captain-க்கு திடீரென மருத்துவ பிரச்சினை ஏற்பட்டதாக Air Canada தெரிவித்துள்ளது. பாதுகாப்பு நடைமுறைகளின்படி, அவர் flight deck-இல் இருந்து அகற்றப்பட்டார்.
இதனைத் தொடர்ந்து, First Officer உடனடியாக விமானத்தின் கட்டுப்பாட்டை ஏற்று, Boston Logan International Airport நோக்கி விமானத்தை திருப்பினார். விமானம் எவ்வித மேலதிக சம்பவமும் இன்றி பாதுகாப்பாக தரையிறங்கியது.
Massachusetts State Police தகவலின்படி, மதியம் சுமார் 1:37 மணியளவில் Logan Airport அவசர சேவைகளுக்கு “Alert II” அறிவிப்பு வழங்கப்பட்டது. விமானத்தில் இருந்த குழு உறுப்பினருக்கு மருத்துவ அவசரநிலை ஏற்பட்டதாக அதில் தெரிவிக்கப்பட்டது.
இந்த விமானத்தில் 61 பயணிகள் இருந்ததாக Air Canada உறுதிப்படுத்தியுள்ளது. பயணிகள் அனைவரும் பாதுகாப்பாக இருந்ததாகவும், அவர்களுக்கு தொடர்ந்து Halifax செல்ல மாற்று பயண ஏற்பாடுகள் செய்யப்பட்டதாகவும் நிறுவனம் தெரிவித்துள்ளது.
மருத்துவ அவசரநிலைக்கு உள்ளான Captain Boston-இல் மருத்துவ சிகிச்சைக்காக கொண்டு செல்லப்பட்டார். அவரது தற்போதைய உடல்நிலை தொடர்பான மேலதிக தகவல்கள் இதுவரை வெளியிடப்படவில்லை.
இந்தச் சம்பவம் குறித்து Federal Aviation Administration-மும் உறுதிப்படுத்தியுள்ளது. விமானிகள் இத்தகைய அவசரநிலைகளை சமாளிக்க சிறப்பு பயிற்சி பெற்றிருப்பதாக Air Canada தனது அறிக்கையில் குறிப்பிட்டுள்ளது.
Comments are closed, but trackbacks and pingbacks are open.