கனடாவின் ஒன்டாரியோ மாகாணத்தில் உள்ள ஸ்குகோக் (Scugog) நகராட்சிப் பகுதியில் ஞாயிற்றுக்கிழமை அதிகாலை இரண்டு வாகனங்கள் நேருக்கு நேர் மோதிக்கொண்டதில் ஒருவர் உயிரிழந்ததுடன் மேலும் இருவர் காயமடைந்துள்ளனர்.
ஒன்டாரியோ மாகாண காவல்துறை வெளியிட்டுள்ள அறிக்கையின்படி, மார்ச் 8 ஆம் திகதி காலை சுமார் 5.55 மணியளவில், போர்ட் பேரி (Port Perry) பகுதியில் உள்ள Highway 7/12 மற்றும் 4th Line அருகே இரண்டு வாகனங்கள் மோதி விபத்து ஏற்பட்டதாக தெரிவிக்கப்பட்டுள்ளது.
விசாரணையாளர்கள் தெரிவித்ததாவது, எதிர்திசைகளில் பயணித்துக் கொண்டிருந்த இரண்டு வாகனங்கள் நேருக்கு நேர் மோதியதே இந்த விபத்திற்குக் காரணமாகியுள்ளது.
இந்த விபத்தில் சண்டர்லேண்ட் (Sunderland) பகுதியைச் சேர்ந்த 53 வயதுடைய ஆண் ஒருவர் சம்பவ இடத்திலேயே உயிரிழந்ததாக காவல்துறை தெரிவித்துள்ளது.
மேலும், இன்னிஸ்ஃபில் (Innisfil) பகுதியைச் சேர்ந்த 32 வயதுடைய ஒருவர் உயிருக்கு ஆபத்தில்லாத அளவிலான கடுமையான காயங்களுடன் மருத்துவமனைக்கு கொண்டு செல்லப்பட்டுள்ளார்.
அதேவேளை நார்த் யோர்க் (North York) பகுதியைச் சேர்ந்த 35 வயதுடைய ஒருவர் கடுமையான காயங்களுடன் ஹெலிகாப்டரின் மூலம் பிராந்திய அவசர சிகிச்சை மையத்திற்கு மாற்றப்பட்டுள்ளார்.
விபத்து குறித்த விசாரணைகள் முன்னெடுக்கப்பட்டு வருவதாக அதிகாரிகள் தெரிவிக்கின்றனர்.
Comments are closed, but trackbacks and pingbacks are open.