கனடாவின் Ajax நகரில் செவ்வாய்க்கிழமை இரவு இடம்பெற்ற சாலை விபத்தில் 77 வயது முதியவர் ஒருவர் உயிரிழந்துள்ளார் என்று போலீஸ் தெரிவித்துள்ளது.
இது Westney Road South மற்றும் Bramwell Drive சந்திப்பிற்கு அருகில், இரவு சுமார் 10.30 மணியளவில் இடம்பெற்றதாக கூறப்படுகிறது.
போலீஸ் தகவலின்படி, குறித்த முதியவர் Westney Road South வழியாக சாலையை கடக்க முயன்ற போது, தெற்கு திசையில் பயணித்த Hyundai செடான் கார் ஒன்று அவரை மோதியுள்ளது.
வாகனத்தை ஓட்டியவர் 22 வயது இளம்பெண் என்றும், அவர் விபத்தில் காயமின்றி பாதுகாப்பாக இருந்ததுடன் சம்பவ இடத்திலேயே தங்கியிருந்ததாகவும் போலீஸ் தெரிவித்துள்ளது.
காயமடைந்த முதியவர் உடனடியாக மருத்துவமனைக்கு கொண்டு செல்லப்பட்ட நிலையில், பின்னர் அவர் உயிரிழந்ததாக அறிவிக்கப்பட்டது.
இந்த விபத்து குறித்து Durham Regional Police Service (DRPS) இன் Collision Investigation Unit அதிகாரிகள் சம்பவ இடத்திற்கு சென்று விசாரணை மேற்கொண்டுள்ளனர்.
“இந்த விபத்தின் காரணம் குறித்து விசாரணை தொடர்ந்து நடைபெற்று வருகிறது” என்று போலீஸ் வெளியிட்ட செய்திக்குறிப்பில் தெரிவிக்கப்பட்டுள்ளது.
மேலும், சம்பவம் தொடர்பாக சிசிடிவி, செல்போன் அல்லது டாஷ்கேம் வீடியோ உள்ளவர்கள் விசாரணை அதிகாரி Det.-Const. Latour அவர்களை 1-888-579-1520 ext. 5226 என்ற எண்ணில் தொடர்பு கொள்ளுமாறு போலீஸ் கேட்டுக்கொண்டுள்ளது.
