Reading Time: < 1 minute
Tamil Business Directory
கனடா – மிசிசாகாவில் சனிக்கிழமை அதிகாலையில் ஏற்பட்ட தீ விபத்தில் இருவர் உயிரிழந்துள்ளதாக பொலிஸார் தெரிவித்துள்ளனர்.
ஹீதர்லீ அவென்யூ மற்றும் ப்ரெஸ்டன் மேனர் டிரைவ் ஆகிய இடங்களில் உள்ள டூப்ளெக்ஸில் – டெர்ரி ஃபாக்ஸ் வே மற்றும் மேத்சன் பவுல்வர்டு வெஸ்ட் அருகே, அதிகாலை 1 மணிக்குப் பிறகு தீ விபத்து ஏற்பட்டது.
இந்நிலையில் உடனடியாக அவசர காலப் பணியாளர்கள் தீயை அணைத்தனர். ஒரு பெண்ணும் ஒரு ஆணும் சம்பவ இடத்திலேயே உயிரிழந்ததாக மருத்துவ உதவியாளர்கள் தெரிவித்தனர்.
மேலும் காயங்களுக்கு வேறு யாருக்கும் சிகிச்சை அளிக்கப்படவில்லை. வீட்டின் அடித்தளத்தில் தீப்பிடித்ததாக ஆய்வாளர்கள் நம்புகின்றனர். இதுகுறித்து தீயணைப்புத் துறை அதிகாரிகளுக்கு தகவல் தெரிவிக்கப்பட்டு விசாரணை நடைபெற்று வருகிறது.
