கனடாவின் ஒன்டாரியோ மாநிலம் விண்ட்சர் நகரில் உள்ள ஹியூ பீட்டன் ஆரம்பப் பள்ளியில், போதைப் பொருள் கலந்த இனிப்புகளை சில மாணவர்கள் உட்கொண்டதால் பலர் பாதிக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.
கடந்த செவ்வாய்க்கிழமை, 8ஆம் வகுப்பு மாணவர் ஒருவர் இனிப்பைப் போல தோற்றமளிக்கும் கஞ்சா கலந்த இனிப்புகளை பாடசாலைக்கு கொண்டு வந்ததாகவும், அதை பல மாணவர்கள் உட்கொண்டதாகவும் தெரிவிக்கப்பட்டுள்ளது.
இதனால் குறைந்தது ஒரு மாணவர் கடுமையாக உடல்நலக் குறைவு அடைந்துள்ளார்.
பாடசாலை வளாகத்திற்கு வெளியே பல ஆம்புலன்ஸ்கள் நிறுத்தப்பட்டிருந்த படங்கள் சமூக ஊடகங்களில் பரவி, பெற்றோர்களும் பொதுமக்களும் கவலையடைந்தனர்.
இது ஒரு முன்னெச்சரிக்கை நடவடிக்கையாக அவசர சேவைகள் அழைக்கப்பட்டதாக தெரிவிக்கப்பட்டுள்ளது.
பாதிக்கப்பட்ட மாணவர் மருத்துவமனைக்கு கொண்டு செல்லப்பட்டு, சிகிச்சை அளிக்கப்பட்டதாக தெரிவிக்கப்பட்டுள்ளது.
இந்த சம்பவம் குறித்து விசாரணை தொடரும் நிலையில், பாதிக்கப்பட்ட மாணவருக்கு சில நாட்கள் பாடசாலைக்கு வர வேண்டாம் என அறிவுறுத்தப்பட்டுள்ளது.
