கனடாவின் ஒன்டாரியோ மாகாணம் வெல்லாண்ட்டில் பொலிஸ் உத்தியோகத்தர் ஓருவரின் மீது துப்பாக்கிச் சூடு நடத்தப்பட்டுள்ளது.
உத்தியோகத்தரின் காயங்கள் உயிருக்கு ஆபத்தானவை அல்ல என போலீஸ் தெரிவித்துள்ளது. சம்பவம் செகண்ட் ஸ்ட்ரீட் பகுதியில், ப்ளைமவுத் ரோடு மற்றும் லிங்கன் ஸ்ட்ரீட் இடையே நடந்துள்ளது. துப்பாக்கிச் சூடு தகவல் கிடைத்ததும் பொலிஸார் சென்றபோது, அதிகாரி ஒருவர் தாக்கப்பட்டுள்ளார்.
இந்த துப்பாக்கிச் சூட்டு சம்பவத்தைத் தொடர்ந்து அந்தப் பகுதியில் வாழும் மக்களை பாதுகாப்பாக வீடுகளிலேயே இருக்குமாறு அறிவுறுத்தப்பட்டுள்ளது.
சுற்றியுள்ள பகுதியில் “உள்ளே தங்கியிருக்க” (shelter-in-place) உத்தரவு அமலில் உள்ளது. குடியிருப்பாளர்கள் “அனைத்து கதவுகள் மற்றும் ஜன்னல்களை பூட்டி, உள்ளேயே இருக்க வேண்டும்; போலீஸ் உத்தரவு வரும் வரை வெளியே வர வேண்டாம்” என போலீஸ் சமூக வலைதளத்தில் எச்சரித்துள்ளது.
இதேவேளை, பிரதமர் டக் ஃபோர்டு, பஃபலோவில் நடந்த செய்தியாளர் சந்திப்பில் இச்சம்பவம் குறித்து கருத்து தெரிவித்தார். “மார்பில் சுடப்பட்ட பெண் அதிகாரி மருத்துவமனையில் உள்ளார். அவர் அற்புதமான நபர்; அவர் உயிர் பிழைப்பார். குடும்பத்தினருக்கு எங்கள் பிரார்த்தனைகள்” எனக் கூறினார்.
