கனடாவின் நோவா ஸ்கோஷியா மாகாணத்தில் உள்ள மிடில்டன் பகுதியில் இடம்பெற்ற மோட்டார் சைக்கிள் விபத்தில் 47 வயதுடைய ஒருவர் உயிரிழந்துள்ளார்.
ஜூலை 4ஆம் தேதி, சனிக்கிழமை பிற்பகல் சுமார் 3.20 மணியளவில், மிடில்டன் பகுதியில் உள்ள School Street-இல் இடம்பெற்ற விபத்து தொடர்பாக Annapolis District RCMP, தீயணைப்பு சேவை மற்றும் அவசர மருத்துவ சேவைப் பிரிவினர் சம்பவ இடத்துக்கு அழைக்கப்பட்டனர்.
பொலிஸாரின் தகவலின்படி, மோட்டார் சைக்கிள் ஒன்றும் Hyundai Sonata காரும் மோதியுள்ளன. மோட்டார் சைக்கிளை ஓட்டிச் சென்ற மிடில்டனைச் சேர்ந்த 47 வயதுடைய நபர் சம்பவ இடத்திலேயே உயிரிழந்ததாக அதிகாரிகள் தெரிவித்துள்ளனர்.
Hyundai Sonata காரின் சாரதியும் அதில் பயணித்த மற்றொரு நபரும் மிடில்டனைச் சேர்ந்தவர்கள் எனவும், அவர்களுக்கு உடல் காயங்கள் எதுவும் ஏற்படவில்லை எனவும் பொலிஸார் தெரிவித்துள்ளனர்.
விபத்து தொடர்பான விசாரணையின் ஒரு பகுதியாக RCMP விபத்து மறுசீரமைப்பு நிபுணர் சம்பவ இடத்தை ஆய்வு செய்தார். இதனால் School Street பல மணி நேரங்கள் போக்குவரத்திற்காக மூடப்பட்டிருந்தது.
இந்த விபத்து தொடர்பான விசாரணை தொடர்கிறது. Nova Scotia Medical Examiner Service-இன் உதவியுடன் விசாரணை முன்னெடுக்கப்பட்டு வருகிறது.
விபத்தை நேரில் கண்டவர்கள் அல்லது சம்பவம் தொடர்பான dashcam காணொளி வைத்திருப்பவர்கள் Annapolis District RCMP-யை 902-825-2000 என்ற தொலைபேசி எண்ணில் தொடர்புகொள்ளுமாறு பொலிஸார் கேட்டுக்கொண்டுள்ளனர்.
Comments are closed, but trackbacks and pingbacks are open.