கனடாவில் கூட்டாட்சி (Federal Govenment) கட்டுப்பாட்டில் உள்ள தனியார் துறைகளில் (வங்கி, தொலைத்தொடர்பு, இடமாறும் போக்குவரத்து போன்றவை) பணிபுரியும் தொழிலாளர்களுக்கான குறைந்தபட்ச ஊதியம் 2026 ஏப்ரல் 1 முதல் மணிக்கு சுமார் $18.10 ஆக உயர உள்ளது. தற்போது நடைமுறையில் உள்ள $17.75 ஊதியத்திலிருந்து இது சுமார் 35 சென்ட் அதிகரிப்பு ஆகும்.
இந்த கூட்டாட்சி குறைந்தபட்ச ஊதியம், பணவீக்கத்தை (inflation) அடிப்படையாகக் கொண்டு வருடந்தோறும் தானாக மாற்றப்படுகின்றது. இதன் மூலம் குறைந்த வருமானம் பெறும் ஆயிரக்கணக்கான தொழிலாளர்கள் வாழ்க்கைச் செலவின உயர்வை சமாளிக்க உதவுவதாக அதிகாரிகள் தெரிவிக்கின்றனர்.
எந்த தொழிலாளர்களுக்கு பொருந்தும்?
இந்த கூட்டாட்சி குறைந்தபட்ச ஊதியம், கனடா முழுவதும் கூட்டாட்சி கட்டுப்பாட்டில் உள்ள தொழில்களில் பணிபுரிபவர்களுக்கு மட்டுமே பொருந்தும். இதில்:
- வங்கி மற்றும் நிதி சேவைகள்
- தொலைத்தொடர்பு நிறுவனங்கள்
- விமான மற்றும் இடமாறும் போக்குவரத்து துறைகள்
- தபால் மற்றும் சில அரச நிறுவனங்கள்
எனப்படும் துறைகள் அடங்குகின்றன.
மாகாண ஊதியம் அதிகமாக இருந்தால்?
ஒரு மாகாணத்தின் குறைந்தபட்ச ஊதியம் கூட்டாட்சி ஊதியத்தை விட அதிகமாக இருந்தால், அந்த மாகாணத்தின் உயர்ந்த ஊதியத்தையே நிறுவனங்கள் வழங்க வேண்டும் என்பது விதியாகும்.
ஏப்ரல் 1, 2026 அன்று சில மாகாணங்களிலும் உயர்வு
அதே நாளில் சில மாகாணங்களிலும் குறைந்தபட்ச ஊதியம் உயரவுள்ளது. உதாரணமாக:
- நியூ பிரன்ஸ்விக் – $15.65 இலிருந்து $15.90
- நியூஃபவுண்ட்லாந்து & லாப்ரடார் – $16.00 இலிருந்து $16.35
- நோவா ஸ்கோஷியா – $16.50 இலிருந்து $16.75
- பிரின்ஸ் எட்வர்ட் தீவு – $16.50 இலிருந்து $17.00
- யூகான் – சுமார் $18.51
என உயர்வுகள் அறிவிக்கப்பட்டுள்ளன.
பணவீக்கம் மற்றும் வாழ்க்கைச் செலவுகள் தொடர்ந்து அதிகரித்து வரும் நிலையில், இந்த ஊதிய உயர்வு தொழிலாளர்களின் அடிப்படை வருமானத்தை பாதுகாக்கும் ஒரு முயற்சியாக பார்க்கப்படுகிறது.
