டொராண்டோ நகரில் பொதுமக்களை தொடர்ந்து தொந்தரவு செய்ததாகக் குற்றம் சாட்டப்பட்ட 45 வயதுடைய முகமது அஸ்கார் முகமது-ரசிக் கைது செய்யப்பட்டுள்ளார். டொராண்டோ காவல்துறையினர் நடத்திய விசாரணையின் அடிப்படையில், அவர்மீது நான்கு தனித்தனி குற்றவியல் தொந்தரவு குற்றச்சாட்டுகள் பதிவு செய்யப்பட்டுள்ளன.
போலீஸ் தகவலின்படி,
- 2025 ஜூன் 8ஆம் தேதி, டண்டாஸ் ஸ்ட்ரீட் வெஸ்ட் மற்றும் டஃபரின் ஸ்ட்ரீட் பகுதியில் நடந்த நிகழ்வில், சந்தேக நபர் ஒரு பெண்ணை படம் பிடித்ததாக கூறப்படுகிறது.
- அந்த பெண் படம் எடுப்பதை நிறுத்துமாறு கேட்டபோதும், அவர் மோதலான முறையில் நடந்துகொண்டு தொந்தரவு செய்ததாக குற்றம் சாட்டப்பட்டுள்ளது.
- பாதுகாப்பு பணியாளர்கள் அந்த இடத்தை விட்டு செல்லும்படி கூறியபோதும், அவர் செல்லவில்லை. பின்னர் போலீஸ் அழைக்கப்பட்டதும் அவர் அங்கிருந்து வெளியேறியதாக கூறப்படுகிறது.
- இந்த சம்பவத்தில் காயம் எதுவும் ஏற்படவில்லை.
மேலும்,
- 2025 ஆகஸ்ட் 21ஆம் தேதி மதியம் சுமார் 2:45 மணியளவில், யூனியன் நிலையத்தில் பணியாற்றிய TTC பணியாளரிடம் சந்தேக நபர் அணுகியதாக கூறப்படுகிறது.
- அவர் தனது கைப்பேசியை அந்த பணியாளரின் முகத்திற்கு அருகில் வைத்து படம் எடுத்து, அவர்களின் இனத்தை பற்றி அவமதிக்கும் கருத்துகளை கூறியதாக குற்றம் சாட்டப்பட்டுள்ளது.
- இச்சம்பவத்திலும் காயம் எதுவும் இல்லை.
மேலும்,
- 2025 செப்டம்பர் 27ஆம் தேதி, டேவிட் பெகாட் சதுக்கத்தில் ஒரு விற்பனையாளர் வரிசையில் நின்றிருந்த ஒருவரை சந்தேக நபர் படம் எடுத்ததாக கூறப்படுகிறது.
- படம் எடுப்பதை நிறுத்துமாறு கேட்டபோதும், அவர் அருகே வந்து மோதலான முறையில் தொடர்ந்ததாக தெரிவிக்கப்பட்டுள்ளது.
மேலும்,
- 2025 மே 26ஆம் தேதி, யோங் ஸ்ட்ரீட் மற்றும் ஷூட்டர் ஸ்ட்ரீட் பகுதியில் பணியில் இருந்த பெண் போலீஸ் அதிகாரியை அணுகி, அவர் தோற்றத்தை பற்றி கருத்துகள் கூறியபோது படம் எடுத்ததாக குற்றம் சாட்டப்பட்டுள்ளது.
- அதே அதிகாரியை 2025 அக்டோபர் 4ஆம் தேதி மீண்டும் அணுகி, இதேபோன்ற கருத்துகளை கூறியதாக கூறப்படுகிறது.
டொரொன்டோவை சேர்ந்த 45 வயதான மொஹமட் அஸ்கர் மொஹமட்-ராசிக் என்பவர் 2025 டிசம்பர் 10ஆம் தேதி கைது செய்யப்பட்டார். அவருக்கு நான்கு குற்றத் தொந்தரவு குற்றச்சாட்டுகள் சுமத்தப்பட்டுள்ளன.
அவர் 2026 பிப்ரவரி 4ஆம் தேதி ஒன்டாரியோ நீதிமன்றத்தில் முன்னிலையாகினார்.
இந்த விசாரணை தொடர்ந்து நடைபெற்று வருகிறது. மேலும் பாதிக்கப்பட்டவர்கள் இருக்கக்கூடும் என விசாரணை அதிகாரிகள் நம்புகின்றனர்.
இந்த சம்பவம் தொடர்பாக தகவல் உள்ளவர்கள் 416-808-5200 என்ற எண்ணில் போலீஸை தொடர்புகொள்ளலாம். பெயர் வெளியிடாமல் தகவல் வழங்க Crime Stoppers 416-222-TIPS (8477) அல்லது www.222tips.com மூலம் தொடர்பு கொள்ளலாம்.
Source: https://www.tps.ca/media-centre/news-releases/64824/
