கனடாவின் பீல் பிராந்தியத்தில் (Peel Region) நடந்த இரு கப்பம் கோரல்களுடன் (extortion)-சம்பந்தப்பட்ட துப்பாக்கிச் சூடுகள் தொடர்பாக ஒரு நபர் கைது செய்யப்பட்டுள்ளார்.
மற்றொரு சந்தேகநபர் இன்னும் தேடப்பட்டு வருகிறார் என பொலிஸார் தெரிவித்துள்ளனர்.
முதல் சம்பவம் அக்டோபர் 26 அன்று கலிடன் (Caledon) பகுதியில் உள்ள ஓல்ட் ஸ்கூல் ரோடு மற்றும் கிரெடிட்வியூ ரோடு அருகே, ஹைவே 10-இன் மேற்கு பக்கத்தில் நடைபெற்றது.
அந்த நாளில் அதிகாலை 3 மணிக்கு முன், வெள்ளி நிற பி.எம்.டபிள்யூ வாகனத்தில் வந்த இரு சந்தேகநபர்கள் ஒரு வீட்டின் முன்புறம் வந்ததாகக் கூறப்படுகிறது.
கண்காணிப்பு காட்சிகளில், அவர்களில் ஒருவர் வீட்டு வாசலில் எரிவாயுவைப் பாய்ச்சி தீயிட்டதாகவும், பின்னர் இருவரும் அந்த வீட்டின் மீது பல துப்பாக்கிச் சூட்டுகள் நடத்தியதும் பதிவாகியுள்ளதாக விசாரணையாளர்கள் தெரிவித்துள்ளனர்.
சில நேரத்திற்குப் பிறகு, அதே இரு சந்தேகநபர்கள் பிராம்ப்டன் நகரில் உள்ள டிக்சி ரோடு மற்றும் அட்வான்ஸ் புளூவர்ட் அருகே அமைந்துள்ள ஒரு வணிக நிறுவனத்திற்கும் சென்றதாகக் கூறப்படுகிறது.
அங்கு வாகனத்திலிருந்தே ஒரு நபர் நிறுவனத்தின் மீது பல துப்பாக்கிச் சூட்டுகள் நடத்தியதாக போலீசார் கூறினர். இரு சம்பவங்களிலும் யாருக்கும் காயம் ஏற்படவில்லை.
நவம்பர் 7 அன்று பிராம்ப்டனில் வசிக்கும் 25 வயதான இக்பால் பாக்ரியா (Iqbal Bhagria) கைது செய்யப்பட்டார். இந்த சம்பவங்கள் தொடர்பில் ஏதேனும் தகவல்கள் இருந்தால் பொலிஸாருக்கு அறிவிக்குமாறு கோரிக்கை விடுக்கப்பட்டுள்ளது.
