கனடாவின் டொராண்டோ நகரின் நார்த் யார்க் பகுதியில் உள்ள ஓய்வூதிய இல்லத்தில் ஏற்பட்ட தீ விபத்தில், முதியவர் ஒருவர் மருத்துவமனையில் உயிரிழந்ததாக டொராண்டோ காவல்துறை தெரிவித்துள்ளது.
இந்த தீ விபத்து, ஞாயிற்றுக்கிழமை இரவு 10.30 மணியளவில், பின்ச் அவென்யூ வெஸ்ட் மற்றும் பாதர்ஸ்ட் ஸ்ட்ரீட் அருகே அமைந்துள்ள ஓய்வூதிய இல்லத்தில் ஏற்பட்டதாக அதிகாரிகள் கூறினர்.
கட்டிடத்தின் நான்காவது மாடியில் உள்ள ஒரு குடியிருப்பு அறையில் தீப்பற்றியது. அந்த மாடியில் உள்ள ஒரு அறையிலிருந்து ஒருவர் பாதுகாப்பாக மீட்கப்பட்டுள்ளார்.
தீ விரைவாக கட்டுப்படுத்தப்பட்டதுடன், அது அந்த அறையைத் தாண்டி மற்ற பகுதிகளுக்கு பரவவில்லை என்றும் அதிகாரிகள் தெரிவித்தனர்.
அவசர மருத்துவ சேவையினர் கூறுகையில், தீ விபத்தில் முதியவர் ஒருவர் மிகவும் ஆபத்தான நிலையில் மருத்துவமனைக்கு கொண்டு செல்லப்பட்டதாக தெரிவித்தனர்.
பின்னர் காவல்துறை வெளியிட்ட தகவலின்படி, சுமார் 80 வயதுக்கு மேற்பட்டவராக கருதப்படும் அந்த நபர், தீ விபத்தில் ஏற்பட்ட காயங்களால் உயிரிழந்துள்ளார்.
தீ விபத்துக்கு 21 தீயணைப்பு வாகனங்கள் அனுப்பப்பட்டதாக தீயணைப்புப் படையினர் தெரிவித்துள்ளனர்.
தீ அந்த குடியிருப்பு அறையின் வாழும் பகுதியிலேயே இருந்ததுடன், மிகக் குறுகிய நேரத்தில் அணைக்கப்பட்டதாகவும் தெரிவித்துள்ளனர்.
கட்டிடத்தின் உள்ளே மிகக் குறைந்த அளவிலேயே புகை இருந்ததால், முழு கட்டிடத்தையும் காலி செய்ய வேண்டிய அவசியம் ஏற்படவில்லை என தீயணைப்புப் படையினர் குறிப்பிட்டுள்ளனர்.
