கனடாவின் நியு பிரவுன்ஸ்விக் மாகாணத்தில் உள்ள பாஸ் கராகுட் பகுதியைச் சேர்ந்த 33 வயதுடைய ஒருவர், உயிரிழப்புக்கு காரணமான வாகன விபத்து தொடர்பாக கைது செய்யப்பட்டுள்ளார் என பொலிஸார் தெரிவித்துள்ளனர்.
ஞாயிற்றுக்கிழமை அதிகாலை 3:10 மணியளவில், ருயு ரிச்சர்ட் அருகிலுள்ள பாதையில் நடந்த வாகன விபத்துச் சம்பவம் குறித்து பொலிஸார் தகவல் பெற்றனர்.
சம்பவ இடத்திற்கு விரைந்த அதிகாரிகள், Dieppe பகுதியைச் சேர்ந்த 42 வயதுடைய பெண்ணை மயக்க நிலையில் கண்டுபிடித்தனர்.
காயங்களால் அவர் அங்கு உயிரிழந்ததாக அறிவிக்கப்பட்டது. விசாரணை அதிகாரிகள் தெரிவிப்பதன்படி, அந்த பெண் நகர்ந்து கொண்டிருந்த லாரியின் பயணிகள் பக்கம் இருந்து கீழே விழுந்திருக்கலாம் என சந்தேகிக்கப்படுகிறது.
காயமின்றி இருந்த ஓட்டுநர் மதுபோதையின் அறிகுறிகளை காட்டினார்.
அவர் கைது செய்யப்பட்டு மூச்சு மாதிரி பரிசோதனைக்காக உள்ளூர் பொலிஸ் நிலையத்திற்கு அழைத்துச் செல்லப்பட்டார் பொலிஸார் வெளியிட்ட அறிக்கையில் குறிப்பிடப்பட்டுள்ளது.
பின்னர், நீதிமன்றத்தில் ஆஜராக வேண்டிய நிபந்தனைகளுடன் அந்த நபர் விடுவிக்கப்பட்டார். விசாரணை தொடர்ந்து நடைபெற்று வருகிறது.
