கனடாவில் கப்பலிலிருந்து விழுந்த பெண்; தொடரும் தேடுதல்கள்!

கனடாவின் நொவா ஸ்கோஷியா மற்றும் நியூஃபவுண்லாந்த் & லாப்ரடார் மாகாணங்களுக்கு இடையில் கப்பலில் பயணித்த ஒரு பெண் கடலில் விழுந்திருப்பதாக சந்தேகிக்கப்பட்டு, மீட்புக் குழுக்களால் தீவிரமாக தேடப்படுகின்றார்.

காணாமல் போனவர் 41 வயதுடையவர் என தெரிவிக்கப்பட்டுள்ளது. கடந்த புதன்கிழமை அதிகாலை 3.30 மணியளவில், மரீன் அட்லாண்டிக் புளு புடீஸ் Marine Atlantic Blue Puttees கப்பலின் ஊடான கடல் பயணத்தின் போது கடைசியாக காணப்பட்டுள்ளார்.

அந்தப் கப்பல் North Sydney (நொவா ஸ்கோஷியா) இருந்து Port aux Basques (நியூஃபவுண்லாந்த்) நோக்கி பயணித்தது.

ஹலிஃபேக்சில் உள்ள இணைந்த மீட்புப் பிரிவு மையத்தினைச் சேர்ந்த லெப்டினன்ட் கமாண்டர் லென் ஹிக்கி தெரிவித்ததின்படி, பெண் கப்பலில் இருந்து கடலில் விழுந்திருக்கலாம் என நம்பப்படுகிறது.