கனடாவின் ரியல் எஸ்டேட் நிறுவனம் Royal LePage, 2026 ஆம் ஆண்டில் நாடு முழுவதும் வீட்டு சந்தை மீண்டும் வலுவடையும் என்ற எதிர்பார்ப்பை வெளியிட்டுள்ளது.
2025 ஆம் ஆண்டின் பொருளாதார மற்றும் அரசியல் அசாதாரண காலத்தைத் தொடர்ந்து, வீடு வாங்குவோரின் நம்பிக்கை மீளத் தொடங்கியுள்ளது என நிறுவனம் தெரிவிக்கிறது.
இந்த ஆண்டில், கனடா வங்கி வட்டியை நான்கு முறை குறைத்தது. இதன் மூலம் கொள்முதல் திறன் மேம்பட்டு, பலரும் மீண்டும் சந்தையை நோக்கி கவனம் செலுத்தத் தொடங்கியுள்ளனர்.
தற்போது வட்டி விகிதம் 2.25% ஆக உள்ளது. வட்டி இன்னும் குறையும் எனக் காத்திருந்தவர்கள் விரைவில் மீண்டும் சந்தையில் நுழைவார்கள் என நிபுணர்கள் கருதுகின்றனர்.
வட்டி விகிதம் குறித்த அச்சம் தளர்ந்துள்ளதால், வாங்குபவர்கள் முன்பணிகள் (pre-approvals) பெறுவதில் மீண்டும் சுறுசுறுப்பாக இருப்பார்கள் என்று Royal LePage நிறுவனத் தலைவர் பில் சோப்பர் தெரிவித்தார்.
அவர் மேலும், டிரம்பின் வர்த்தக கொள்கைகள் கடந்த ஆண்டுகளில் வீட்டுச் சந்தையில் அதிக அலைவரிசைகளையும் அச்சத்தையும் உருவாக்கியதாகவும், இதனால் முதல் முறையாக வீடு வாங்குவோரின் நம்பிக்கை பெரிதும் பாதிக்கப்பட்டதாகவும் குறிப்பிட்டார்.
