அமெரிக்காவின் அலாஸ்கா மாநிலத்திற்கு அருகிலுள்ள வான்வெளியில் ரஷ்யாவின் இரண்டு இராணுவ விமானங்கள் கண்டறியப்பட்டதாக அமெரிக்கா–கனடா இணைந்த வான்வெளி பாதுகாப்பு அமைப்பான வட அமெரிக்க வான் பாதுகாப்பு கட்டளைப் பிரிவு தெரிவித்துள்ளது.
இந்த விமானங்கள் கண்டறியப்பட்டதைத் தொடர்ந்து அவற்றை அடையாளம் காணவும், கண்காணிக்கவும் மற்றும் தடுப்பதற்காக 12 போர் விமானங்கள் அனுப்பப்பட்டதாக அந்த அமைப்பு கூறியுள்ளது.
இதில் Lockheed Martin F-35 Lightning II மற்றும் Lockheed Martin F-22 Raptor போன்ற போர் விமானங்களும் பயன்படுத்தப்பட்டதாக தெரிவிக்கப்பட்டுள்ளது.
கண்டறியப்பட்ட ரஷ்ய விமானங்கள் Tupolev Tu-142 வகையைச் சேர்ந்த கடல் கண்காணிப்பு விமானங்கள் எனவும் தெரிவிக்கப்பட்டுள்ளது.
இந்த விமானங்கள் அனைத்தும் சர்வதேச வான்வெளிக்குள் மட்டுமே இருந்ததாகவும், அமெரிக்கா அல்லது கனடாவின் இறையாண்மை வான்வெளிக்குள் நுழையவில்லை என்றும் NORAD வெளியிட்ட அறிக்கையில் குறிப்பிடப்பட்டுள்ளது.
மேலும், அலாஸ்கா மற்றும் கனடாவின் வான்வெளி பாதுகாப்பு அடையாள மண்டலம் (ADIZ) பகுதியில் ரஷ்யாவின் இத்தகைய விமான இயக்கங்கள் வழக்கமாகவே நடைபெறும் என்றும் அது தற்போது எந்தவித அச்சுறுத்தலாகவும் கருதப்படவில்லை என்றும் அந்த அமைப்பு தெரிவித்துள்ளது.
Comments are closed, but trackbacks and pingbacks are open.