நயாகரா நீர்வீழ்ச்சி நகரில் அமைந்துள்ள மில்லினியம் பொழுதுபோக்கு பாதையில், 32 மரங்கள் வேண்டுமென்றே உடைத்துச் சேதப்படுத்தப்பட்ட சம்பவம் பெரும் அதிர்ச்சியை ஏற்படுத்தியுள்ளது.
மெக்லியோட் சாலைக்கு வடக்கிலும், லண்டீஸ் லேனுக்கு தெற்கிலும் அமைந்துள்ள குறித்த பாதையில் மேற்கொள்ளப்பட்ட இந்தச் செயலை, “மிகப்பெரிய பொதுச்சொத்து சேதப்படுத்தல்” என நயாகரா நீர்வீழ்ச்சி நகர நிர்வாகம் கண்டித்துள்ளது.
கடந்த மே மாதம் 29ஆம் திகதி, ஒருவரின் நினைவாக நடப்பட்டிருந்த நினைவு மரம் ஒன்று சேதமடைந்துள்ளதாக நகராட்சிக்கு முதலில் தகவல் கிடைத்தது.
அதனைத் தொடர்ந்து அதிகாரிகள் சம்பவ இடத்திற்குச் சென்று ஆய்வு மேற்கொண்டபோது, பாதையில் இருந்த மொத்தம் 32 மரங்கள் வேண்டுமென்றே பாதியாக உடைக்கப்பட்டிருந்தமை கண்டுபிடிக்கப்பட்டது.
சேதமடைந்த ஒவ்வொரு மரத்தையும் அகற்றி, அதற்குப் பதிலாகப் புதிய மரத்தை நடுவதற்கு சுமார் 550 முதல் 700 டொலர்கள் வரை செலவாகும் என நகர நிர்வாகம் மதிப்பிட்டுள்ளது.
இதன்படி, மரங்களை அகற்றி மீண்டும் நடுவதற்கான மொத்தச் செலவு 20,000 டொலர்களுக்கும் அதிகமாக இருக்கும் எனத் தெரிவிக்கப்பட்டுள்ளது. இந்தச் செலவு வரி செலுத்துவோரின் பணத்திலிருந்தே மேற்கொள்ளப்படவுள்ளது.
சமூக மேம்பாடு மற்றும் பொதுமக்களுக்கான சேவைகளுக்குப் பயன்படுத்தப்பட வேண்டிய நிதி, இவ்வாறான வேண்டுமென்றே மேற்கொள்ளப்படும் சேதப்படுத்தல்களைச் சீரமைப்பதற்குப் பயன்படுத்தப்படுவது கவலையளிப்பதாக நகராட்சி தெரிவித்துள்ளது.
Comments are closed, but trackbacks and pingbacks are open.