கனடாவில் 55 வயதுக்கு உட்பட்டவர்களுக்கு அஸ்ட்ராஸெனகா தடுப்பூசி போட தடை விதிக்கப்பட்டுள்ளது.
முன்னதாக ’55 வயதுக்கு உட்பட்டவர்களுக்கு அஸ்ட்ராஸெனகா கொரோனா தடுப்பூசி போட வேண்டாம்’ என்று கனடா நாட்டின் தேசிய நோய் எதிர்ப்பு ஆலோசனைக் குழு பரிந்துரை செய்தது.
இதை ஏற்று கனடாவின் பெரும்பாலான மாகாணங்களில் 55 வயதுக்கு உட்பட்டவர்களுக்கு
அஸ்ட்ராஸெனகா தடுப்பூசி போட தடை விதிக்கப்பட்டுள்ளது.
ஒன்ராறியோ, கியூபெக், பிரிட்டிஷ் கொலம்பியா மற்றும் அல்பர்ட்டா உள்ளிட்ட மாகாண சுகாதார அதிகாரிகள் தடைசெய்துள்ளனர்.
இது பிரதமர் ஜஸ்டின் ட்ரூடோவின் தடுப்பூசி முயற்சிக்கு மற்றொரு பின்னடைவாகும். இது ஏழு நாடுகளின் குழுவில் இரண்டாவது மிக மெதுவான தொடக்கமாகும். கனடா இந்த வாரம் அமெரிக்காவிலிருந்து 1.5 மில்லியன் டோஸ் அஸ்ட்ராஸெனகா தடுப்பூசி அளவைப் பெற உள்ளது.
ப்ளூம்பெர்க்கின் தடுப்பூசி டிராக்கரின் கூற்றுப்படி, அமெரிக்காவில் 15.8 சதவீதத்துடன் ஒப்பிடும்போது, 1.8 சதவீதம் கனேடிய குடியிருப்பாளர்கள் முழுமையாக தடுப்பூசி போடுகின்றார்கள். இதுவரை விநியோகிக்கப்பட்ட பெரும்பாலான தடுப்பூசிகள் ஃபைஸர் இன்க் அல்லது மொடர்னா இன்க் தடுப்பூசிகளாகும்.
பிரித்தானியா- சுவீடன் நிறுவனமான அஸ்ட்ராஸெனகா, ஒக்ஸ்போர்ட் பல்கலைக்கழகத்துடன் இணைந்து கொவிட்-19 தடுப்பூசியை தயாரித்துள்ளது. இது உலகம் முழுவதும் 50க்கும் மேற்பட்ட நாடுகளில் பயன்பாட்டில் உள்ளது.
