ஒன்டேரியோவில் மூத்த குடிமக்களுக்கு தடுப்பூசி திட்டம்!

Reading Time: 2 minutes

கட்டுரை: Scarborough Centre for Healthy Communities

மூத்த குடிமக்களின் தனித்த மருத்துவ தேவைகளை கருத்தில் கொண்டு, அவர்களுக்கு ஏற்படும் தொற்று நோய்களின் அபாயத்தை குறைக்கும் வகையில் இந்த தடுப்பூசி திட்டம் அறிமுகப்படுத்தப்பட்டுள்ளது. வயதுக்கு ஏற்ப, உடலின் பாதுகாப்புத் திறன் (immune system) குறைவதால், காய்ச்சல், நிமோனியா, சிங்கிள்ஸ் போன்ற நோய்கள் மூத்தவர்களுக்கு கடுமையாக பாதிப்பை ஏற்படுத்தக்கூடும்.

இந்தத் திட்டம், தடுப்பூசிகள் மூலம் தடையிடக்கூடிய நோய்களின் தாக்கத்தை குறைத்து, மூத்த குடிமக்களின் வாழ்க்கைத் தரத்தை மேம்படுத்துவதை நோக்கமாகக் கொண்டுள்ளது.

தடுப்பூசிகள் உங்களையும், உங்கள் சுற்றத்தினரையும் ஆபத்தான, தடையிடக்கூடிய நோய்களிலிருந்து பாதுகாக்கின்றன. ஒன்டேரியோ அரசு கீழ்க்கண்ட தடுப்பூசிகளை 65 வயதிற்கும் மேற்பட்டவர்களையும் உட்படுத்தி அனைத்து வயதினருக்கும் இலவசமாக வழங்குகிறது:

1. COVID-19 தடுப்பூசி
   · COVID-19 மற்றும் அதன் வகைகள் ஏற்படுத்தும் கடுமையான விளைவுகளிலிருந்து தங்களை, குடும்பத்தினரை மற்றும் சமூகத்தைக் காப்பது தடுப்பூசி எடுத்துக்கொள்வதன் மூலம் மட்டுமே முடியும்.
   · 6 மாதங்கள் மற்றும் அதற்கு மேற்பட்ட அனைத்து வயதினருக்கும் இந்த தடுப்பூசி இலவசமாக வழங்கப்படுகிறது – சுகாதார அட்டை இல்லாவிட்டாலும் பரவாயில்லை.
2. காய்ச்சல் (Flu/Influenza) தடுப்பூசி
   · காய்ச்சல் என்பது எளிதில் பரவும் ஒரு வைரஸ். இது மூத்த குடிமக்களுக்கு கடுமையான பாதிப்பை ஏற்படுத்தலாம். · 65 வயதிற்கு மேற்பட்டவர்களுக்கு அதிக வலிமையுள்ள (High Dose) தடுப்பூசி பரிந்துரைக்கப்படுகிறது. ஏனெனில் இது சாதாரண தடுப்பூசியை விட சிறந்த பாதுகாப்பை வழங்குகிறது.
3. டெட்டனஸ், டிப்தீரியா மற்றும் பெர்டசிஸ் (Tdap/Td) தடுப்பூசிகள்
   · ஒவ்வொரு 10 ஆண்டுகளுக்கும் ஒருமுறை, அல்லது தீவிர காயம் ஏற்பட்டால் 5 ஆண்டுகளுக்குள் இந்த தடுப்பூசி எடுத்துக்கொள்வது பரிந்துரைக்கப்படுகிறது.
   · Idap தடுப்பூசியை பிற தடுப்பூசிகளுடன் சேர்த்தும் கொடுக்கலாம்.
4. நிமோனியா தடுப்பூசி (Pneumococcal-P23) · Streptococcus pneurnoniae எனும் பாக்டீரியாவால் ஏற்படும் நிமோனியா மற்றும் பிற தொற்றுகளைத் தடுக்கும் தடுப்பூசி.
   · 65 வயதில் தடுப்பூசி வழக்கமாக வழங்கப்படுகிறது, ஆனால் சுகாதார காரணங்களால் முன்பே வழங்கப்படலாம்,
   · நோய் எதிர்ப்பு சக்தி குறைவாக இருப்பின், முதல் தடுப்பூசியுக்குப் பிறகு 5 ஆண்டுகளுக்குள் கூடுதல் ஒரு டோஸ் பரிந்துரைக்கப்படுகிறது.
5. சிங்கிள்ஸ் (Shingrix®) தடுப்பூசி
   . Chickenpox வைரசால் ஏற்படும் சிங்கிள்ஸ் என்பது, தோலில் வலி மற்றும் அரிப்புடன் கூடிய தோல் நோயாகும்.
   . இது 50 வயதிற்கு மேற்பட்டவர்களுக்கும், நோய் எதிர்ப்பு சக்தி குறைந்தவர்களுக்கும் அதிகம் ஏற்படக்கூடும்.
   . தடுப்பூசி இரண்டு டோஸ்களில் வழங்கப்படுகிறது.
   . 65 முதல் 70 வயதுக்குள் உள்ளவர்களும், முன்பு அரசின் நிதியுதவியுடன் இந்த தடுப்பூசியைப் பெறாதவர்களும் இதனை இலவசமாகப் பெறலாம்.
   . 65-70 வயதுக்குள் இல்லாதவர்கள், தனிப்பட்ட முறையில் மருத்துவ வழங்குநரிடம் $300 செலவில் பெறலாம்.

RSV வைரஸ் பற்றியது என்ன?
இந்த வைரஸ், மூச்சுக்குழாய்களில் தீவிர தொற்றை ஏற்படுத்தி நிமோனியா அல்லது பிரான்கியோலைட்டிஸ் போன்ற நிலைகளுக்கு வழிவகுக்கலாம்.

கடுமையான அறிகுறிகள்:

• காய்ச்சல்
• கடுமையான இருமல்
• சிரமமான சுவாசம்
• வீசிய சுவாச சத்தம்

RSV தடுப்பு திட்டம் இலவசமாக கிடைக்கும் நபர்கள்;
60 வயதிற்கு மேற்பட்ட நபர்கள், குறிப்பாக:

• நீண்டகால பராமரிப்பு இல்லங்களில் வசிப்பவர்கள்
• முதியோர் பராமரிப்பு விடுதிகளில் இருப்பவர்கள்
• நினைவாற்றல் குறைபாடிற்காக அனுமதிக்கப்பட்ட ஓய்வூதிய இல்ல வாசிகள்
• மாற்று பராமரிப்பு நிலைமையில் மருத்துவமனையில் உள்ளவர்கள்
• ஹீமோடயாலிசிஸ் அல்லது பெரிட்டோனியல் டயாலிசிஸ் மேற்கொள்பவர்கள்
• உறுப்புகள் மாற்றுவிதானம் பெற்றவர்கள்
• வீடு இன்றி வாழ்பவர்கள்
• முதுநிலை மக்களாக (First Nations, Inuit, Métis) அடையாளம் கூறுபவர்கள்

இந்த பட்டியலில் இல்லாத 60 வயதுக்கு மேற்பட்டவர்கள், தனியார் மருத்துவமனையிலிருந்து மருந்து வாங்கி தடுப்பூசியைப் பெறலாம். செலவு சுமார் $300 வரை இருக்கலாம். சில தனியார் காப்பீட்டுகள் முழுமையாக அல்லது ஒரு பகுதியைச் செலுத்தலாம்.

தடுப்பூசி பக்கவிளைவுகள்;

தடுப்பூசியின் பக்கவிளைவுகள் வயதானவர்களிடம் அடிப்படையாகவும், அவர்களின் உடல் நிலைக்கும், எடுத்துக்கொள்ளும் தடுப்பூசி வகைக்கும் ஏற்ப மாறுபடும். உங்கள் உடல் நலம், மருத்துவ வரலாறு மற்றும் சந்தேகங்களைப் பற்றிய விவரங்களை உங்கள் குடும்ப மருத்துவருடன் கலந்தாலோசிக்க வேண்டும்.

👉 இன்று உங்கள் மருத்துவரை அணுகி ஆலோசனை பெறுங்கள்!

மேலும் தகவலுக்கு: www.shn.ca/vaxfactshttps://www.shn.ca/vaxfacts/